Një grua 48-vjeçare zgjodhi një mënyrë të pazakontë për t’i dhënë fund jetës së saj, duke u hedhur në një greminë. Ngjarja e rëndë u regjistrua në zonën e Malësisë së Madhe, ndërsa trupi i pajetë i gruas u gjet mëngjesin e së dielës.
Bashkëshorti i 48-vjeçares është shprehur për emisionin “Zemër e Hapur” se marrëdhëniet familjare kanë qenë normale dhe se nuk ka pasur mungesë komunikimi.
Gjithshtu ai theksoi se vendi i ngjarjes u lokalizua nga celulari dhe nga letra e lënë nga bashkëshortja. Në letrën e lënë ishin të shkruara vetëm emrat e fëmijëve.
“Vendi është lokalizuar nga celulari dhe letra. Në letër ishte emrat e fëmijëve. Nuk kemi pasur probleme. Gjithçka ka qenë normal. Për herë të fundit e kam parë në 06:45 , kur edhe jam larguar nga shtëpia për të shkuar në punë. Ai gjithashtu theksoi se nuk di se çfarë mund ta ketë shkaktuar këtë ngjarje të rëndë. Ata nuk kanë mundur të dalin në katund. Kjo ishte hera e parë që ajo është larguar në këtë mënyrë”, është shprehur bashkëshorti i 48-vjeçares që u hodh në greminë në Malsinë e Madhe.
Kujtojmë që shtetasja Shpresë Hasramaj u largua nga banesa mëngjesin e së premtes, duke u zhdukur pa gjurmë. Në orët e pasdites, bashkëshorti i gruas, banues në fshatin Meshqerraj, Njësia Administrative Gruemirë, Malësi e Madhe, ka denoncuar në Polici humbjen e bashkëshortes.
Pas këtij momenti, forcat e rendit kanë nisur kërkimet në zonë, të mbështetura edhe nga Forcat Operacionale të Drejtorisë së Policisë së Shkodrës. Gjatë kontrolleve pasditen e së shtunës, në territorin e fshatit Meshqerraj, në afërsi të një shpelle, forcat e Policisë kanë gjetur një telefon celular dhe një fletore.
