Zbardhen detaje të reja nga ngjarja e rëndë që ndodhi pak më parë në Berat, ku humbi jetën një punëtor i Drejtorisë së Bujqësisë.
Mësohet se viktima është 46-vjeçari Shkëlqim Metkaj i cili ishte duke punuar së bashku me kolegët e tij për prerjen e një peme shekullore, e cila rrezikonte që të binte në rrugën kryesore.
Dosja.al ka mësuar se në momentin që është rrëzuar, Metkaj ka qenë me sharrë elektrike në dorë, duke prerë degët. Viktima po vendoste këmbën në shkallën elektrike, por ka humbur kontrollin duke rënë në bregun e Osumit.
Sharra elektrike ndërkohë i është shkëputur nga dora, duke rrezikuar kalimtarët dhe automjetet. Si pasojë e punimeve të nisura që prej mëngjesit të sotëm, në këtë aks lëvizja e mjeteve është bërë vetëm në një sens, duke krijuar trafik.
Punëtori i Drejtorisë së Bujqësisë, në Bashkinë e Beratit, Shkëlqim Metkaj ra nga një lartësi e konsiderueshme pasditen e sotme, teksa po priste një pemë. Si pasojë e rënies, ai mori dëmtime të rënda të cilat i kushtuan jetën.
