Komisioni i Pavarur i Kualifikimit ka konfirmuar në detyrë Prokurorin e Krimeve të Rënda, Anton Martini.
Ky i fundit kishte kaluar më parë vettingun, por hetimi u rihap, pas një denoncimi për kohën kur ai drejtonte Prokurorinë e Shkodrës.
Në padi thuhej se Martini i kishte hequr dosjet disa prokurorëve, për t’ja kaluar disa të tjerëve.
Anton Martini ka drejtuar Prokrurorinë e Shkodrës që nga nëntori 2017 deri në qershor 2018.
Ai u shpreh përpara trupës së KPK: “Në Shkodër mora informacion se eksponentë të krimit ndikonin tek prokurorët. Për këtë shkak unë inkurajova prokurorë oficerët. Aplikova metodat proaktive për të zbardhur disa ngjarje si vrasje me shpërthime me tritol apo tjetërsim pronash në bregdet.”
Përsa i përket tërheqjeve të dosjeve, Martini është shprehur se disa prokurorë nuk kishin certifikatë sigurie, ndërsa në një rast tjetër ka qenë kërkesë e të pandehurit.
