Griselda Gjikolaj, 17-vjeç, u vra më 26 dhjetor 2018 në Laprak.
Ajo jetonte në një shtëpi me qira me vëllain dhe prindërit i kishte të ndarë.
Së fundmi, Prokuroria e Tiranës ka akuzuar për këtë ngjarje Robert Përpepaj dhe Ronald Muzhaqi.
Përpepaj akuzohet për “Vrasje në rrethana të tjera cilësuese” në dëm të Gjikolaj dhe shokut të saj Erion Bega, ku ky i fundit ka mbetur i plagosur.
Muzhaqi akuzohet për “Moskallëzim të krimit” dhe “Përkrahje të autorit të vrasjes”.
Referuar dokumentit zyrtar të Prokurorisë thuhet se e mitura është qëlluar me dy plumba në kokë, nga i dyshuari Robert Perpepaj.
Ai e ka ndjekur 17-vjeçaren prej kohësh.
Vajza, thuhet në dosje se i ka rrëfyer të fejuarit të saj Samir H., shqetësimet që po i sillte Roberti duke i kërkuar ta mbronte prej tij.
Përpara ngjarjes së rëndë i fejuari i saj dhe shoku i tij, Erjon Benga, janë konfliktuar në Laprakë me Përpepaj.
Teksa i ishte kërkuar të mos e ndiqte më vajzës, ai ishte përgjigjur se “është çun e mund të ngacmojë çdo vajzë”.
Erion Benga gjatë debatit ka goditur 19-vjeçarin Përpepaj.
Ky i fundit u largua dhe u shfaq më 26 dhjetor, kur tentoi të vraste Saimir.H, por në fakt plumbat e drejtuara në makinën e tij kanë vrarë 17-vjeçaren Griselda Gjikolaj dhe kanë plagosur rëndë personin tjetër në makinë Erion Begën.
