Ditën e sotme u shënuan 29 raste të reja me COVID-19, një nga shifrat më të larta që prej fillimit të epidemisë.
Në mesin e të prekurve ishin edhe 13 të burgosur të burgut “313” në Tiranë, që tashmë është kthyer në një vatër të re të COVID-19.
Ata u infektuan nga një shtetas italian i cili ndodhej në paraburgim.
Mësohet se ditën e sotme, 13 të burgosurit e prekur, janë karantinuar në sektorin “bis41”, në sektorin e të dënuarve me rrezikshmëri të lartë.
Deri më tani, asnjë i burgosur nuk ka marrë ndihmë mjekësore.
Aktualisht në ambjentet e burgut po montohen bombola oksigjeni, për personat që mund të shfaqin probleme me frymëmarrjen.
Numri i të prekurve nga COVID-19 në vendin tonë ka shkuar në 663, në mesin e të cilëve 27 viktima dhe 384 të shëruar.
