Pas ngjarjes në lokalin e Noizyt, ish-kandidati për kreun e PS në Durrës, Ardit Kërtusha ka deklaruar se plagosja e tij gjatë ditës së sotme ka ndodhur për motive politike.
Ndërkohë, uniformat blu në njoftimin zyrtar njoftojnë se plagosja me 3 plumba e 31- vjeçarit ka ndodhur për shkak të një konflikti të çastit pa përcaktuar më tej detaje, por nuk e përjashtojnë faktin se mund të ketë ndodhur për motive politike.
Ndërsa mjekët e urgjencës së Durrësit pas plagosjes i kanë dhënë ndihmën e parë 31- vjeçarit Ardit Kërtusha i cili fatmirësisht është jashtë rrezikut për jetën.
Kërtusha ka qenë një personazh edhe mediatik, pasi në disa raste ka denoncuar kapjen e kupolës drejtuese të PS-së së Durrësit nga ish-kryebashkiaku Vangjush Dako.
Ardit Kërtusha: Po rrija në lokal kur erdhi dhe më qëlloi. Sherri ka nisur para një muaji për çështje pronash. E pashë që u fut brenda në lokal por nuk prisja që të më qëllonte.
Kërtusha ndodhet nën kujdesin e mjekëve, jashtë rrezikut për jetën. 31 vjeçari është pjesë e PS që prej shumë vitesh. Përplasja mes tij drejtuesve të lartë socialistëve në Durrës nisi në tetor të vitit 2019, kur ai shprehu dëshirën për të kandiduar për kryetar i PS në zgjedhjet që u mbajtën në Janar, 2020.
