GJKKO ka vendosur se masa ndaj Kreu i Inspektoriatit të Mbrojtjes së Territorit në Lushnjë, Robert Kola, i cili u pezullua nga detyra dhe iu ndalua një detyrë publike, e ka humbur fuqinë. Gazetarja Anila Hoxha bën me dije se Kola tashmë është liruara nga masat e vendosura më parë ndaj tij, pas shpërthimit që ndodhi në magazinën e deputetit të PS, Bujar Çela.
Kujtojmë se në dëshminë e tij asokohe, Kola ka shpjeguar se nuk ka pasur dijeni nëse deputeti i PS Bujar Çela po ndërtonte apo kishte marrë leje ndërtimi sa i takon kapanonit ku ndodhi shpërthimi në lagjen ‘Karbunarë e Madhe’. Ai shton se nuk ka pasur informacione nga urbanistika apo njësia administrative se aty po kryheshin punime. Po ashtu dhe nga kontrollet në terren nuk ka rezultuar se aty po kryheshin punime. Gjatë dëshmisë së tij kreu i IMT, ka shpjeguar se sistemi online i bashkisë nuk ka funksionuar dhe gjatë kësaj kohe nuk është bërë asnjë inspektim për objektin në fjalë që po ndërtohej.
Ndërkohë mbeten të pezulluar nga detyra 4 punonjës të Inspektoriatit të Mbrojtjes së Territorit Lushnjë, Miklovan Petro jurist i IMT Lushnjë, Eugert Sina inspektor i IMT Lushnjë, Kudret Sula inspektor i IMT Lushnjë dhe Ilmi Uku inspektor i rajonit nr.5 Bashkia Lushnjë.
