Drejtori i spitalit COVID 2 ka treguar eksperiencën e tij me koronavirus, ndërsa ka thënë se është mjekuar vetë. Në një intervistë në emisionin “Kjo javë” në News 24 Perlat Kapisyzi ka treguar se ai është mjekuar vetë në shtëpi, në të njëjtën mënyrë si ka mjekuar pacientët. Po ashtu ai ka treguar se nuk ka dashur të bëhej panik e prandaj nuk i është drejtuar spitalit.
“Unë nuk pata panik fare dhe pjesëtarë të familjes thanë nuk të paskemi njohur se të jesh kaq i qetë në këtë gjendje kaq të rëndë. U kurova në shtëpi, pata rënie saturimesh. Ra telefoni dhe pyetën bashkëshorten kush po e mjekon. Unë qesha me vete dhe thashë që nëse nuk mjekoj veten time… Më thanë jo po ne kemi dëgjuar që COVID-19 prek dhe sistemin nervor dhe kishte të drejtë, 80% prek sistemin nervor. Ajo ankesa që s’i kemi dhënë ushqim, ka pasur raste që është ushqyer dhe pas 30 minutash ka marrë familjarin dhe i ka thënë që nuk po më japin për të ngrënë. Për oksigjen dhe deksametazon, pa antiviralë. Mjekova veten siç mjekoj pacientët. Patjetër do i drejtohesha spitalit, por ndenja nën hije sepse nuk desha të bëhej një farë paniku”, deklaroi Kapisyzi.
Drejtori i Covid 2 ka treguar gjithashtu edhe disa nga mjekimet për virusin, ndërsa ka thënë se edhe aspirina që përdoret më së shumti, ka efekte anësore. Kapisyzi tha se duhet bërë një balancë mes efekteve pozitive e negative që mbizotërojnë tek një ilaç për të parë a duhet përdorur apo jo.
“Po marr një gjë të thjeshtë, aspirina, që disa e përdorin si fara kungulli. Dhe aspirina ka efekte anësore të sensibilitetit. Çdo ilaç që merret, duhet dhe bëhet një balancë mes efekteve pozitive apo negative, kush mbizotëron.
Përdorimi i kortikosteroidit tek diabetikët, profesori im më thoshte mjekoje pacientin sikur nuk është diabetik, jepi dozat e kortikosteroidit dhe përdor insulinën. Po të mos e përdorësh rrisim mortalitetin”, tha Kapisyzi.
