Agjencia Europiane e Barnave miratoi sot vaksinën e tretë kundër koronavirusit, atë të prodhuar nga AstraZeneca në bashkëpunim me Universitetin e Oxford.
Por sa efektive është vaksina e re e miratuar?
Vaksina është një version i dobësuar i virusit që injektohet në trup. Edhe pse duket si koronavirusi, ajo nuk shkakton sëmundje. Në momentin që injektohet tek pacienti ajo ndihmon sistemin imunitar të prodhojë anti-trupa që janë të gatshëm të sulmojnë një virus në momentin që ai bie në kontakt me qelizat e plazmës.
Studimet kanë treguar se vaksina është mjaft efektive. Deri tani askush që ka marrë vaksinën nuk ka kaluar COVID me simptoma të rënda ose të ketë pasur nevojë për trajtim spitalor.
A është vaksina ne Oxford më efektive se ajo e Pfizer?
Ndryshe nga vaksina e Pfizer – e cila duhet të mbahet në një temperaturë jashtëzakonisht të ftohtë (-70C) – vaksina e Oksfordit mund të ruhet në një frigorifer normal. Kjo e bën shumë më të lehtë shpërndarjen.
Provat treguan se vaksina Pfizer ishte 95% efektive, por kishte dallime në mënyrën e kryerjes së provave, kështu që krahasimi i drejtpërdrejtë i dy rezultateve është i vështirë. Dhe është e rëndësishme të mbani mend se edhe shifra më e ulët prej 62% është një rezultat më i mirë se mbrojtja më e mirë e gripit, e cila është rreth 50% efektive. Për më tepër, askush që mori vaksinën e Oksfordit nuk u shtrua në spital ose u sëmur rëndë për shkak të Covid.
Sa mund të mbrojë nga COVID?
Ashtu si me të gjitha vaksinat që po zhvillohen kundër koronavirusit,kjo ende nuk dihet. Mund të ndodhë që njerëzit kanë nevojë për vaksinime vjetore, siç ndodh me mdrojtjen ndaj gripit.
BBC
