Në natën e ndërrimit të viteve, në Angli është masakruar me thikë një i ri me origjinë nga Shqipëria i identifikuar si Fatjon Oruçi.
Sipas “Examinerlive”, i ndjeri shqiptar u gjet i pajetë në rrugë në qytezën e Rotherham. Fatjon Oruci, nga Shqipëria, por lindur e rritur në Londër, u gjet i vdekur në orën 1:20 të mëngjesit të së shtunës, më 1 janar, në Doncaster Road pas një sherri që ishte përfshirë.
Pas sulmit që iu bë me thikë, i riu kishte marrë plagë të shumta në trup dhe kjo pas një sherri të ashpër. Pas tragjedisë policia arrestoi dy persona në Londër pasditen e 1 janarit – një grua, 20 vjeç dhe një burrë, 26 vjeç. Pas dëshmisë, ata janë liruar.
Një burrë tjetër, 23 vjeç, nga Rotherham, u arrestua më 4 janar, por për shkak të mungesës së provave ai është liruar që atëherë pa marrë asnjë veprim të mëtejshëm. Për këtë ndodhi të tmerrshme, kanë shkruar shumë media britanike, mes tyre edhe gjigandi mediatik BBC.
Policia ka vijuar hetimet, ndërsa po gërmojnë për prova materiale, me qëllim zbulimin e shkakut të ngjarjes. Ndërkohë e gjithë autopsia e trupit të pajetë të Orucit, zbuloi se 22-vjeçari shqiptar ishte dhunuar dhe qëlluar disa herë me thikë nga autorët.
