Ditën e sotme u lajmërua se tre deputetë të Kuvendit të Shqipërisë kishin rezultuar pozitivë me koronavirus, midis tyre edhe deputeti Enver Rroshi.
Dhe vetë Roshi ka reaguar pak më parë në lidhje me lajmin se ka rezultuar pozitiv me koronavirus.
Me anë të një reagimi në Facebook Roshi thotë se çdo gjë tashmë është në dorë të qytetarëve pasi është detyra e tyre të ruajnë veten dhe të tjerët, duke ruajtur shëndetin e tyre dhe atë publik.
Më tej Roshi shprehet se masat e thëna na shërbejnë në këtë sakrificë për hir të shëndetit, ndërsa njofton se është në gjendje me parametra normale.
Reagimi i Roshit
Në pamundësi të përgjigjeve të telefonatave të panumërta dhe të shqetësimit të drejtë dhe të sinqertë të të gjithë miqve dhe të afërmëve të mi nga i gjithë vendi kërkoj mirëkuptimin vëllazëror të tyre që nuk mund të komunikoj nëpërmjet telefonit. Me sinqeritetin më të madh, porosia ime në këtë situatë është: “Cdo gjë është në dorë të qytetarëve”. Ëshë detyra jonë të ruajmë veten dhe të tjerët, të ruajmë shëndetin tonë, njësoj si edhe shëndetin publik. Në këtë kuadër, masat e thëna dhe stërthëna, të na shërbejnë me përgjegjshmëri në këtë sakrificë njerëzore dhe qytetare për hir të shëndetit. “Ruaj veten dhe të tjerët”
Nderkohe ju njoftoj jam shume me parametrat normale!
Ju faleminderit nga zemra !!
