Ka dalë para trupës gjykuese Ilir Sefa, i arrestuar pak ditë më parë teksa po tërhiqte një pako me kanabis, e cila vinte nga SHBA me postë. Gjykata ka vendosur që ta lërë në burg Sefën, duke mos pranuar këkesën e avokatit i cili kërkoi masë më të butë sigurie si “arrest në shtëpi” ose “burg me afat”, pasi i arrestuar ka thënë se nuk ka qenë në dijeni në lidhje me atë që ndodhej në pako dhe se një person të cilin e kishte në lagje, i kishte kërkuar që të shkonte ta merrte .
“Drogën nuk e prisja unë. Më tha një djalë që e kam në lagje, me emrin Fabian të shkoja ta merrja tek posta. Nuk e dija çfarë kishte brenda”, ka pretenduar Sefa në deklarimet paraprake.
Shtetasi Fabian L. që përmend Sefa, është shpallur në kërkim policor. Policia u sinjalizua nga posta ku kishte mbërritur porosia, dhe mbajti në survejim se kush do të ishte marrësi. Droga e sekuestruar kap peshën e 1 kg e 600 gramë cannabis sativa, me përqindje të lartë THC.
