Ngjarja e djeshme bëri bujë në Greqi, nga ku u arrestua i shumëkërkuari Laert Haxhiu. Së bashku me të ishte edhe një 22-vjeçar i cili do të depërtohet brenda pak orësh në Shqipëri.
Ai rezulton i kërkuar nga autoritetet shqiptare për “plagosje të rëndë me dashje në bashkëpunim”.
Për shkak te faktit që ai është ndaluar si emigrant i paligjshëm pa dokumentacion dhe nuk është në kërkim ndërkombëtar, por kombëtar nga Shqipëria, do të deporotohet brenda pak orësh si emigrant i paligjshëm në një nga pikat kufitare dhe nuk do i nënshtrohet procedurave të ekstradimit.
Për momentin ai mbahet në Komisariatin e Janinës në pritje të transferimit për t’ju dorëzuar autoriteteve shqiptare, të cilat sipas ligjit duhet ta ndalojnë si person në kërkim por edhe ta procedojnë për “kalim të paligjshëm te kufirit”.
Ndërkohë Laert Haxhiu dhe Juxhin Barjami kanë bërë kërkesë për të dalë të premten në Gjykatë, e cila është pranuar.
Laert Haxhiut policia greke i ka gjetur një kartë false identiteti greke dhe pas verifikimeve ka rezultuar i kërkuar nga INTERPOL Tirana. Ndaj tre të arrestuarve janë ngritur akuzat “shkelje të ligjit mbi emigrantët”, “falsifikim”, “mosbindje” dhe “deklarim i rremë”. Atyre u janë sekuestruar 1400 euro dhe 4 celularë si dhe mjeti BMË X6 i Juxhin Barjamin.
