Ditën e sotme në vendin tonë u regjistruan 19 raste të reja me Coronavirus, duke e çuar numrin e përgjithshëm në 123 dhe në mesin e të prekurve është edhe drejtori i Urgjencës Kombëtare, Skënder Brataj.
Lajmin e ka dhënë Ministrja e Shëndetësisë, Ogerta Manastirliu, në një postim në rrjetet sociale, ku lajmëroi se Brataj ndodhet në shtëpi në vetëizolim dhe gjendja e tij është e stabilizuar.
Së fundmi, numri 1 i Urgjencës ka reaguar për herë të parë pas infektimit me anë një mesazhi në faqen e tij në rrjetet sociale, ai thotë se ka një gjendje të lehtë të sëmundjes dhe se po kurohet në banesë.
Brataj thotë se kishte temperaturë të lartë 39,5 dy ditë më parë, ndërsa sot ka një gjendje më të lehtë të sëmundjes.
Brataj ka një thirrje për qytetarët duke u kërkuar që të qëndrojnë në shtëpi.
Reagimi i plotë
“Mirembrema te gjitheve.
Ju falenderoj pa mase per interesimin tuaj te sinqerte. Vertete eshte shume emocionuese per mua ky reagim solidariteti nga ana juaj. Une aktualisht kam nje gjendje te lehte te semundjes dhe tani po kurohem ne banese. Temperatura ime ne kete moment eshte vetem 37,5 nga 39,5 qe ishte dy dite me pare.
Ne personeli mjeksor dhe mbeshtetes, nuk i shmangemi dot betejes, linjes se pare per te cilen jemi pergatitur. Eshte normale, qe sado masa parandaluese te marresh, ne front mund te demtohesh ne kete lufte te padukeshme, ndersa Ju mundeni te ekspozoheni sa me pak.
Behuni ju te padukshem per koronavirusin!
Qendroni ne shtepi!
Tani edhe une do te punoj nga banesa per disa kohe,sepse mundet!
Te gjithe bashke do tja dalim!
Ju pershendes.”
Ndërkohë që vihet në dyshim dhe infektimi i Task-Forcës, ku merrte pjesë Brataj dhe po ashtu ai ka patur kontakte edhe me shumë gazetarë.
