Mëngjesin e sotëm, një pacient 52-vjeçar i infektuar me Covid, I ka dhënë fund jetës duke u hedhur nga kati i katërt i spitalit ‘Shefqet Ndroqi’.
Bëhet me dije se 52-vjeçari Preng Gjonaj ishte i shtruar në spital, prej gati një jave dhe ishte vendosur në katin e katërt. Mësohej se në dhomë ishte vetëm.
Dyshohet se 52-vjeçari me origjinë nga Tropoja ka kryer aktin e rëndë në gjendje të rënduar psikologjike. Gjithashtu mësohet se personi në fjalë nuk ka pasur probleme të shëndetit mendor më parë.
Kanë qenë mjekët ata që kanë lajmëruar policinë rreth orës 03:10 minuta të mëngjesit të kësaj të diele.
Policia ka marrë kartelën mjekësore dhe po punon për zbardhjen e rrethanave në lidhje me ngjarjen e rëndë.
Kujtojmë që Preng Gjonaj është pacienti i tretë, i cili i ka dhënë fund jetës duke u vetëvrarë, më herët nga spitali ‘Shefqet Ndroqi’ është vetëvrarë Hasan Mira, 65 vjeç dhe në datën 13 gusht, 29-vjeçari Xhino Koça./GazetaReforma.com/
