Moti i keq dhe dëbora ka nxjerr në pah edhe një herë se sa keq është punuar në Rrugën e Arbrit.
Në Qafë Murriz, për shkak të reshjeve të borës kanë mbetur të bllokuar shumë persona në automjetet e tyre. Këta të fundit bëjnë apel për ndihmë, ndërsa qëndrojnë të bllokuar në këtë aks për më shumë se 5 orë.
Kjo kontratë u firmos për 13 vjet leje, që kjo kompani të mirëmbajë rrugën.
Mirëpo, në ketë rast ajo zgjodhi të mos reagojë dhe të mos marrë asnjë masë për kalimin normalisht në ketë rrugë. Për këtë rrugë u investuan 240 milion euro. Ministria e Infrastrukturës dhe Energjisë firmosi kontratë me kompaninë “Gjoka Konstruksion” për punimet dhe mirëmbajtjen e saj.
Siç duket edhe pse mban përgjegjësi, sepse paguhet, kjo kompani nuk ka fare kontroll nga shteti dhe se nuk merr përgjegjësi që rruga e Arbërit të mos shfaqë probleme të vazhdueshme.
Policia apelon për vendosjen e zinxhirëve dhe për zbatim të udhëzimeve të dhëna në njoftimet për mediat, për rrugët e bllokuara apo ato që paraqesin vështirësi.
