Pasi kanë kaluar disa orë nga zbulimi i dy trupave të pajetë të Klement Pepja dhe Vilson Çutaj, ambulanca ka shkuar në fshatun Vrith për të transportuar trupat e tyre drejt morgut të Spitalit të Shkodrës.
Dy të rinjtë dyshohet se u vranë me armë zjarri nga shoku i tyre Danjel Pepaj i cili tani është zhdukur dhe ka gjasa të jetë në Malin e Zi.Kujtojmë se të rinjtë ishin shpallur të humbur që prej datës 3 tetor.
Trupat e pajetë të të rinjve janë gjetur larg njëri tjetrit, ç’ka ngre dyshimet se në momentin që Danjeli ka qëlluar të parin, tjetri tentoi që të largohet, por më kot, pasi disa metra më pas u ekzekutua nga plumbat e kallashnikovit. Tre të rinjtë u konfliktuan për humbjen e 50 kg kanabis në parcelën që po kultivonin.
Ndërkohë zbulohet se tek parcela me kanabis në zonën malore të Vrithit i ka çuar pikërisht vetë babai i Danjel Pepajt, Rrok Pepaj i cili mesa duket kishte dijeni për kanabisin dhe konfliktin mes të rinjve.
Sipas një dëshmitari për AbcNews trupat e pajetë të të rinjve “ishin masakruar me plumba në pjesë të ndryshme të trupit”. Autori, Danjel Pepaj zbrazi kallashnikovin duke i ekzekutuar në vend kushëririn dhe shokun e tij.
