Në orët e vona të mbrëmjes së djeshmë kryeqyeti u trondit nga një atentat, ku mbeti viktimë Briken Sanaj, 39 vjeç, nga Lezha.
Ndërkohë që ka dalë fotoja 39-vjeçarit Briken Sanaj që u ekzekutua mbrëmjen e së dielës te “Kodra e Diellit” në Tiranë.
Në vitin 2010 familja Sanaj ka pasur konflikt me familjen Kola për shkak të ngacmimit të një vajze. Konflikti u ashpërsua dhe vëllai i vogël i Briken Sanajt plagosi një prej djemve të familjes Kola.
Mes familjeve nisi një hasmëri që pavarësisht përpjekjeve për pajtim nuk u realizua.
Konkretisht ngjarja e rëndë ka ndodhur në Kodrën e Diellit, teksa 39-vjeçari dyshohet se është qëlluar nga një mjet tip ‘Benz’ në lëvizje.
39-vjeçari ishte fillimisht në Lezhë ku ka marrë pjesë në dasmën e kushëririt të tij.
Kur ka mbaruar dasma, ata kanë sjellë nusen në Tiranë tek pallati ku jetonte prej më shumë se një viti. Kur ka zbritur nga makina është qëlluar për vdekje nga një distancë e afërt nga një makinë në lëvizje. Makina e autorëve tip “Benz” u dogj pas ngjarjes në Qafë Kashar, ndërsa brenda saj u gjet një kallashnikov.
Makina ishte me targa të vjedhura vetëm pak ditë më parë në Tiranë.
Akoma nuk është zbardhur ngjarja e plotë dhe Policia po punon për sqarimin e plotë të rrethanave të ngjarjes së rëndë.
