Ermal Qose është 35-vjeçari i cili u dogj për së gjalli në një shtëpi bari në Angli. Vdekja e tij mbetet ende mister, ndërsa po diskutohet kudo në rrjet. Policia po heton ngjarjen për të zbardhur rrjedhën e saj. Nga mediat e huaja thuhet se shqiptari ka vdekur pasi ferma e kanabisit ku ai po qëndronte u përfshi nga flakët. Ermal Qose, një shtetas shqiptar i cili jetonte në Britaninë e Madhe, u zbulua nga zjarrfikësit në Clapton, në Lindjen e Londrës, pasditen e natës së Vitit të Ri. Pas ngjarjes ai u dërgua në spital, por ndërroi jetë dy ditë më vonë.
Ngjarja solli arrestimin e një 33-vjeçari i cili u arrestua natën e ndërrimit të viteve nën dyshimin për kultivim kanabisi dhe është liruar por vijon të jetë nën hetim. Një 26-vjeçar u arrestua të premten nën dyshimin për vrasje me paramendim dhe kultivim kanabisi dhe tani mbetet në paraburgim. Autoritetet e kanë regjistruar këtë vdekje si vrasje nga pakujdesia dhe janë duke folur me individë të ndryshëm pranë vendit të ngjarjes për të zbuluar se kush ka qenë aty para se të ndodhte tragjedia, por edhe për individët të cilët mund të kenë parë duke hyrë brenda.
