Hakerat iranianë nuk ndalen në ‘shigjetimin” e qeverisë shqiptare, ku së fundmi grupi “Homeland Justice” ka publikuar një dokument në kanalin e tyre në Telegram.
Ata kanë zbardhur të gjitha hyrjet dhe daljet e kryeministrit shqiptar Edi Rama, i cili ka udhëtuar vetëm përmes aeroportit të Rinasit.
Vlen të theksojmë se teksa kryeministri Rama disa ditë më parë “siguroi” shqiptarët se të dhënat e tyre janë të sigurta, si për ironi sot “dolën sheshit” informacionet e tij.
Ndërkohë që vetë të dhënat e kryeministrit të vendit janë në duart e hakerave iranianë, rrjedhimisht besueshmëria e qytetarëve në sistemet e institucioneve është e ulët. Bashkëngjitur materialit që është prej 3.6 MB shkruhet se qeveria shqiptare ka strehuar me taksat e shqiptarëve terroristët e MEK në Durrës.
“Zoti kryeministër, a u keni thënë njerëzve tuaj se taksat që paguajnë shpenzohen për strehimin e terroristëve të MEK në Durrës A ju jepet njëlloj shqiptarëve tokë, strehim, ushqim dhe karburant falas”
Kujtojmë se kjo nuk hera e parë që grupi iranian i hakerave nxjerr “sheshit” të dhënat e zyrtarëve shqiptarë. Disa ditë më parë “Homeland Justice” nxori të dhënat e ish-kreut të SHISH, Helidon Bendo dhe bashkëshortes së tij.
Ata kanë publikuar edhe hyrje-daljet e saj nga Shqipëria. Në dokumente shihet sa herë gruaja e ish-kreut të SHISH e ka kaluar kufirin shqiptar, nga cila pikë kufitare ka dalë dhe me çfarë mjeti ka udhëtuar.
