Aleksandër Kuqo është i njohur ndryshe si ‘i tmerrshmi’ ose ‘i forti i Beratit’.
Kuqo u dënua me 21 vite burg nga Gjykata e Fierit në vitin 2001.
Ai u arrestua në Shqipëri për llogari të drejtësisë italiane.
Drejtësia italiane në 1999 e ka dënuar me burgim të përjetshëm.
Ai akuzohet për “vrasje me paramendim në bashkëpunim”, “armëmbajtje pa leje të armëve luftarake” dhe “trafikim të femrave për prostitucion në bashkëpunim”.
Gjykata e Fierit e konvertoi vendimin italian në 21 vjet heqje lirie.
Më pas, Aleksandër Kuqo u riarrestua më datën 6 maj të vitit 2006, nga Policia e Beratit për llogari të Prokurorisë së Fierit.
Diten e djeshme është zhvilluar një seancë në Gjykatën e Fierit.
Bëhet me dije se në gjykatë është rekomanduar masa mjekësore ‘mjekim i detyruar ambulator në kujdes të një familjari’.
Avokati i tij Zenun Hadermataj ka kërkuar vendosjen e një njeru të afërt që në rastin konkret është bashkëshortja e tij Ledja Kuqo.
Nuk bëhet ende me dije problem shëndetësor i të burgosurit.
Gjykata ka vendosur të ndërpresë shqyrtimin gjyqësor me qëllim paraqitjen e shtetases Ledia Kuqo.
