Ish-deputeti i Partisë Demokratike, Ervin Salianji, ka kërkuar lirimin me kusht nga burgu, pasi ka kryer dy të tretat e dënimit.
Ai po qëndron i izoluar në burgun e Fierit që nga tetori i vitit të kaluar, pas dënimit me 1 vit burg nga Gjykata e Apelit në dosjen “Babale”.
Në tetor 2024, Gjykata e Lartë refuzoi kërkesën e tij për pezullimin e dënimit. Në të njëjtën çështje, u dënua edhe Albert Veliaj me 10 muaj burg dhe gazetari Jetmir Olldashi me 100 orë punë në komunitet.
Dosja “Babale” lidhet me audio-përgjime të publikuara nga Partia Demokratike në pranverën e 2018-ës, ku akuzohej vëllai i ish-ministrit të Brendshëm, Fatmir Xhafaj, Agron Xhafa, për përfshirje në trafik droge.
Në përgjime përmendej edhe shefi i Policisë së Fierit, Albert Nushi, si dhe një “shef i madh” i përfshirë në skemë. Ekspertiza e audio-materialeve nuk dha një konfirmim të plotë për zërin e përfolur, për shkak të cilësisë së regjistrimeve.
Në shkallën e parë, Salianji u dënuar për kallëzim të rremë lidhur me këto denoncime.
