Prokuroria e Kukësit ka përfunduar hetimet për këngëtaren Fjolla Morina e cila u ndalua nga policia Kufitare e Morinës, pasi kishte një armë zjarri në çantë dhe një pistoletë të llojit çakmak në bagazhin e mjetit ‘AudiQ7”.
Më parë për Morinën u vendos masa “arrest shtëpie” pasi akuzohet për “armë mbajtje pa leje”, dhe rrezikon deri në shtatë vite burg pasi gjykata të vendosë datën për të dalë në gjyq.
Ndërsa për dy personat e tjerë, shoferin Fitim Muji dhe Fisnik Sylën që ishte në të njëjtën makinë me Morinën dhe është i dashuri i këngëtares, është pushuar çështja pasi nuk ka prova të mjaftueshme për të ngritur akuzë për Sylën dhe Mujin, duke i lënë ata të lirë.
Fjolla u arrestua më 18 shtator në pikën kufitare të Morinës pasi në makinën e saj “Audi” iu gjetën armë zjarri tip pistoletë me 23 fishekë. Më datë 23 ajo doli para gjykatës së Kukësi, ku pretendoi se ishte shtatzënë për t’i shpëtuar masës së sigurisë “arrest me burg”.
Kujtojmë se para pak kohesh Fjolla zyrtarizoi lidhjen e saj me bisznemenin Syla. Këngëtarja surprizoi ndjekësit me postimin në rrjetet sociale.Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë si dhe me një unazë të bukur diamanti, Fisnik Syla i ka propozuar për martesë Fjollës.
“Unë thashë Po! Dashuri”- shkruan Fjolla krahas postimeve, duke dhënë kështu lajmin e bukur se po i jep fund beqarisë.
