Gjykata e Apelit të Tiranës, mësohet se ka liruar nga akuza “arrest me burg në mungesë”, biznesmenin e përfshirë në skemën e mashtrimit të AKBN-së, Isuf Berberin.
Bëhet me dije se Berberi ishte arratisur dhe ishte shpallur në kërkim nga policia.
Gjykata e Shkallës së Parë kishte vendosur për biznesmenin masën “arrest me burg”, por masa u shfuqizua gjatë kohës që Berberi ishte në arrati.
Gjykata ngarkon Prokurorinë e Tiranës në ekzekutimin e vendimit për lirimin e biznesmenit Berberi, i cili i shpëtoi prangave pasi u arratis ditën që do arrestohej. Arratisja e tij dyshohet se erdhi pas dekonspirimi nga radhët e anëtarëve të operacionit policor.
Kujtojmë se Isuf Berberi është bashkëpronari i kompanisë “Phoenix Petroleum”, e cila është përfshirë në skandalin e Agjensisë Kombëtare të Burimeve Natyrore (AKBN), e që i ka shkaktuar shtetit shqiptar rreth 1.5 milion dollarë dëm.
Sipas Prokurorisë së Tiranës kompania “Phoenix Petroleum”sh.a. e cila ka drejtues shtetasit Naim Kasa dhe Isuf Berberi, ka shfrytëzuar disa puse nafte dhe ka pasur detyrim investimin në këto puse, detyrim të cilin nuk e ka përmbushur.
Pavarësisht se nuk ka kryer punimet, kjo shoqëri ka paraqitur në AKBN, tetë fatura të falsifikuara për shërbime që realisht nuk i ka përfituar nga kompania amerikane Black Sëan Energy Service.
Falsifikimi i këtyre faturave është konfirmuar nga autoritetet gjyqësore amerikane dhe vlera totale e tyre është 1.299.000 USD.
Ndërkohë duke u bazuar në Qendrën Kombëtare të Biznesit (QKB), rezulton se kompania “Phoenix Petroleum” është themeluar më datë 27.05. 2009, me objekt aktiviteti “Kryerja e te gjitha punimeve ndihmese ne puset e naftes e te gazi, ndërtimi i rezervuareve metalike horizontale e vertikale, i vaskave te betonit, dambave te depozitimit te mbeturinave, ndertimi i tubacioneve, remont i kaldajave te impianteve, punimet per pastrimin e rezervuareve, etj.”
Sipas dokumenteve, nga pasqyra finanicare e dorëzuar në QKB për vitin 2019-të, rezulton se kjo kompani, posedon asete në vlerën e 212,291,098 milionë lekë të reja./GazetaReforma.com/
