Vatrat e zjarrit që ka shkrumbuar mijra hektarë pyje dhe që ka shkatërruar qindra banesa në bregdetin e jugut të Turqisë janë ende aktive dhe po përhapen me shpejtësi.
Autoritetet kanë bërë me dije se ndodhen në terren dhe se po punojnë për të “neutralizuar” flakët, ndërsa shtuan se për fat të keq, 8 persona kanë ndërruar jetë, ndërsa dhjetëra të tjerë ndodhen në spital për trajtim mjekësor. Qindra banorë e turistë të zonës janë evakuuar dhe vendosur në hotele. Qyteti turistik i Bodrumit, është një nga më të prekurit nga zjarret.Qyteti turistik i Bodrumit, është një nga më të prekurit nga zjarret. Edhe aty turistët janë evakuuar me anije ndërsa tymi e flakë të shumta mbuluan qiellin. Por për fat të mirë, vatrat e flakëve në Bodrum dhe rrethinat e saj është vendosur në kontroll.
Ndërsa vijon të jetë problematike situata në disa zona të tjera të vendit. Presidenti Rexhep Tajip Erdogan vizitoi zonën të shtunën, duke inspektuar dëmtimet nga helikopteri.
Duke folur nga qyteti Manavgat, zoti Erdogan njoftoi se qeveria turke do të mbulojë qiratë për njerëzit e prekur nga zjarret dhe do të rindërtojë shtëpitë e tyre. Ai tha se taksat, sigurimet shoqërore dhe pagesat e kredisë do të shtyheshin për të prekurit dhe bizneseve të vogla do t’u ofroheshin kredi me zero interes.
