Presidenti amerikan, Donald Trump, ka shpallur vendosjen e tarifave të reja prej 25% për makinat e importuara në Shtetet e Bashkuara. M
Sipas BBC, këto tarifa do të hyjnë në fuqi më 2 prill, ndërsa mbledhja për zbatimin e tyre do të nisë të nesërmen.
Trump ka deklaruar se ky vendim do të sjellë një “rritje të jashtëzakonshme” në industrinë e automobilave, duke nxitur hapjen e vendeve të reja të punës dhe investime të mëdha brenda vendit.
Megjithatë, analistët paralajmërojnë se kjo masë mund të shkaktojë pasoja të mëdha, përfshirë ndërprerje në zinxhirin e furnizimit, rritje të çmimeve dhe tensione me aleatët kryesorë të SHBA-së.
Aktualisht, Meksika është furnizuesi më i madh i makinave në tregun amerikan, e ndjekur nga Koreja e Jugut, Japonia, Kanadaja dhe Gjermania.
Si pasojë e këtij njoftimi, aksionet e General Motors ranë me rreth 3% të mërkurën.
Kur u pyet nëse ekzistonte mundësia për ta ndryshuar këtë vendim, Trump u përgjigj shkurtimisht se nuk kishte një opsion të tillë.
