Gjykata Ndërkombëtare Penale ka dënuar urdhrin ekzekutiv të ish-presidentit amerikan Donald Trump, i cili sanksionon zyrtarët e saj.
Në një deklaratë, ICC theksoi se masat e Trump synojnë të dëmtojnë pavarësinë dhe paanshmërinë e punës së saj gjyqësore.
“Gjykata qëndron me vendosmëri pranë personelit të saj dhe zotohet të vazhdojë të japë drejtësi dhe shpresë për miliona viktima të pafajshme të mizorive në të gjithë botën,”.
Urdhri ekzekutiv i Trump përfshin vendosjen e sanksioneve financiare dhe kufizimin e vizave ndaj zyrtarëve të ICC-së dhe anëtarëve të familjeve të tyre, të cilët janë të përfshirë në hetimet kundër qytetarëve apo aleatëve të SHBA-së.
Kjo përfshin gjithashtu akuza për krime lufte kundër kryeministrit izraelit Benjamin Netanyahu dhe ish-ministrit të tij të mbrojtjes Yoav Gallant.
Ata akuzohen për vrasje, persekutim dhe përdorimin e urisë si metodë lufte në Gaza, akuza të cilat Izraeli i kundërshton me forcë.
