Nuk do të ketë tjetër debat mes dy kandidatëve për president në SHBA. Lajmin e njoftoi ish-presidenti amerikan, Donald Trump, i cili tha se nuk do të ketë një debat të tretë, nëpërmjet një postimi në llogarinë e tij në ‘Truth Social’. Trump theksoi se nuk do të debatojë më me zëvendëspresidenten Kamala Harris, pas takimit të së martës mbrëma mes të dyve në Filadelfia. Debati i parë presidencial ishte në qershor midis Trump dhe Presidentit Biden.
“Kur një fitues i çmimeve humbet një luftë, fjalët e para që dalin nga goja e tij janë: “Unë dua një ritakim”, shkroi Trump në postimin e tij, duke shpjeguar pse nuk dëshiron një debat tjetër dhe duke këmbëngulur se ai fitoi në debatin e zhvilluar pak ditë më pare me Harris.
Por sondazhet fillestare nga Reuters , YouGov dhe CNN treguan se një shumicë e gjerë votuesish mendonin se Harris e tejkaloi Trumpin. Shumica e komentuesve dhe vëzhguesve ranë dakord që Harris mori dorën e sipërme në përballje, me zv/presidenten që përgjithësisht mbeti në sulm ndërsa e vendosi Trumpin në mbrojtje.
