Ditën e sotme një shpërthim me tritol ka tronditur kryeqytetin në orët e para të mëngjesit. Policia njofton se shpërthimi ka ndodhur në katin e parë të një banese në rrugën “Siri Kodra”, e cila është në pronësi të një shtetasi 60-vjeçar.
Si pasojë e shpërthimit janë dëmtuar xhamat e biznesit që ndodhet në katin e parë të banesës.
Mësohet se banesa është në pronësi të shtetasit Remzi Ponari, ndërkohë që kjo nuk është hera e parë që kjo banesë sulmohet me lëndë shpërthyese.
Po verifikohen kamerat e sigurisë për të parë nëse mund të identifikohen autorët e ngjarjes, si dhe janë marrë dëshmitë e familjarëve për të zbuluar ndonjë konflikt të mundshëm që ka çuar në hedhjen e lendës plasëse.
Policia dhe grupi hetimor vijojnë punën për zbardhjen e plotë të rrethanave të kësaj ngjarjeje kriminale.
Njoftimi i policisë:
Tiranë/Informacion paraprak
Me datë 24.08.2022, në orët e para të mëngjesit, në rrugën “Siri Kodra”, afër një banese dy katëshe në pronësi të shtetasit R. P., 60 vjeç, dyshohet se është vendosur dhe ka shpërthyer lëndë plasëse.
Si pasojë e shpërthimit janë dëmtuar xhamat e biznesit në katin e parë, që ndodhet poshtë banesës.
Vijon puna nga grupi hetimor për zbardhjen e rrethanave të ngjarjes dhe identifikimin e kapjen e autorit.
