Saranda është tronditur në orët e para të mesnatës, pasi një shpërthim me eksploziv ka ndodhur pranë një hoteli në qytetin bregdetar. Bëhet fjalë për hotelin me emrin “Yacht”. Hoteli mësohet se është në pronësi të Mariel Muratit, ish-Drejtor i ALUIZNI Sarandë, aktualisht Drejtor i FSDKSH Sarandë.
Sakaq, forca të shumta policie kanë rrethuar vendin e ngjarjes dhe po kryejnë hetime në lidhje me sulmin. Ndërkohë mësohet nga informacionet paraprake se hoteli ishte pak ditë para inaugurimit, ndërsa i është vendosur tritol edhe një herë tjetër në vitin 2021. Policia po heton disa pista në lidhje me ngjarjen, por sipas burimeve pista kryesore lidhet me detyrën që ka ushtruar Mariel Murati si Drejtor i ALUIZNI Sarandë apo me atë që ushtron tani si Drejtor i FSDKSH Sarandë. Në vendin e ngjarjes janë mbledhur provat nga hetuesit si dhe po bëhet kqyrja e kamerave të sigurisë për të indetifikuar autorët.
Sarandë/Njoftimi i policisë
Më datë 29.06.2022, rreth orës 22:40, në lagjen nr.4, Sarandë, në hyrjen e një garazhi, në pronësi të shtetasit M. M, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit.
