Mesditën e të mërkurës qyteti verior i Klosit është përgjakur, pasi një 17 vjeçar është vrarë me armë zjarri, ndërsa të paktën dy persona kanë mbetur të plagosur. Sipas të dhënave paraprake mësohet se ka humbur jetën Kenado Shira, ndërsa autor i ngjarjes dyshohet se është B. Mjeshtri. Ndërkohë 2 të plagosurit janë transportuar me urgjencë në spitalin e Burrelit, dhe njëri prej tyre është babai i viktimës, për të cilin mësohet se është në gjendje të rëndë për jetën.
Ngjarja e rëndë ka ndodhur në mes të qytetit, në afërsi të një lokali, ndërsa në momentin e ngjarjes ka pasur shumë kalimtar pranë skenës së krimit të cilët e kanë parë ngjarjen. Sipas burimeve në vendngjarje ambulanca ka mbërritur me vonesë. Sipas qytetarëve konflikti është i hershëm dhe i vazhdueshëm midis dy fiseve në qytet. Bëhet fjalë për një konflit midis dy fiseve Mjeshtri dhe Hasula. Aktualisht zona është e rrethuar me forca të shumta policore të cilët po bëjnë ekspertizat e nevojshme, por ende nuk ka një reagim zyrtar në lidhje me këtë ngjarje të rëndë që tronditi Klosin. Ndërkohë po pritet reagimi policisë për zbardhjen e plotë të ngjarjes dhe arsyes së kësaj tragjedie të rëndë që i mori jetën një të riu dhe la të plagosur disa persona të tjerë.
