Vilson Tafçiu, rreth 28 vjeç, është plagosur e më pas ka gjetur vdekjen.
Ngjarja ka ndodhur rreth orës 20.45, në Astir, në rrugën “Teodor Keko”.
Viktima ndodhej në një lokal, kur është thirrur nga disa persona, të cilët e kanë qëlluar me armë zjarri jashtë lokalit.
Policia ndodhet në vendngjarje dhe ka rrethuar një perimetër të gjerë të zonës, ku ka ndodhur ngjarja.
Janë ngritur pika kontrolli në të gjitha akset rrugore si dhe vijon puna për zbardhjen e ngjarjes si dhe identifikimin e arrestimin e autorëve.
Bëhet me dije se viktima mbante dy mbiemra.
Ai përdorte edhe mbiemrin Ndoka.
