Në Shqipëri ka pasur raste të mpiksjes së gjakut pas vaksinimit për Covid-19. Diçka të tillë e ka pranuar edhe Shefja e Sëmundjeve Infektive në Institutin e Shëndetit Publik, Silva Bino. Gjatë një prezantimi të një studimi në Akadaminë e Shkencave tajo tha se rastet kanë qenë edhe nga vaksinat Pfizer edhe nga vaskinat e tjera, ndërsa kanë nisur edhe hetimet për ngjarjet në fjalë.
“Udhëzime për të njohur dhe për të hetuar këto ngjarje tromboembolike dhe ngjarje të tjera pas vaksinimit. Kemi pasur edhe trombocitopeni pas vaksinimit edhe nga Pfizer dhe nga të tjerat në mënyrë që këto të adresohen për të parë shkakun” Edhe sipas udhëzimit të CDC kur ke mangësi apo dyshime në një grup pa mbyllur grupin në të cilin është prioritar ti adreson një grup tjetër edhe kjo ishte një element I rëndësishëm në lidhje me vaksinën.Edhe nga mesazhi që merrnim nga vendet e Be-së që e ndronin herë pas here, por në komunikim nga ekspertë në Britani morëm dhe një vendim”, ka thënë Bino.
Gjatë prezantimit u bë gjithashtu me dije se 60% e shqiptarëve pranojnë vaksinimin kundër koronavirusit, ndërkohë që 11 % kanë marrë dozën e parë anti Covid dhe rreth 20 mijë persona mund të quhen të imunizuar me të dyja dozat.
ISHP është duke kryer studime për efektivitetin e vaksinës tek personeli shëndetësor në 5 spitale jo Covid.Pas dozës së dytë nga Pfizer, deri tani nuk ka pasur mjekë të infektuar. Numri i vaskinimeve ka arritur në rreth 346 mijë, ndërsa ritmi ka rënë pasi në muajin e shenjtë të Ramazanit shumë besimtarë refuzojnë të bëjnë vaksinën.
