Lufta po vazhdon ashpër dhe presidenti i Ukrainës ka dhënë një deklaratë.
Zelensky shprehet për 2 objektivat kryesore të Rusisë në Ukrainë si dhe gjithashtu motivon popullin e tij për të luftuar si i vetmi opsion që jeta të triumfojë.
Presidenti Zelensky shprehet se Kievi dhe Kharkivi janë dy objektivat kryesore të Rusisë, ndërsa thekson se ukrainasit do të vijojnë betejën.
“Kharkivi dhe Kievi janë aktualisht objektivat më të rëndësishme të Rusisë. Terrori ka për qëllim të na thyejë. Ata po shkojnë drejt kryeqytetit tonë, si dhe në Kharkiv. Prandaj, mbrojtja e kryeqytetit sot është prioriteti kryesor për Ukrainën”, shprehet Presidenti Zelensky.
“Kievi është i veçantë. Nëse mbrojmë Kievin, do të mbrojmë edhe shtetin. Kjo është zemra e vendit tonë. Dhe duhet të vazhdojmë betejën, në mënyrë që jeta të triumfojë”, ka shtuar Presidenti, duke e përshkruar situatën sot në Ukrainë si një akt terrori, referuar sulmeve të tmerrshme në Kharkiv.
Kujtojmë që temperaturat e ulëta e kanë bërë akoma më shumë tmerruese situatën në Ukrainë përgjatë luftimeve.
Me mijëra njerëz të strehuar në bodrume të pa ngrohura, parkingje nëntokësore dhe stacione metroje në të gjithë qytetin, ftohja e papritur është shqetësuese. Temperaturat kanë lëvizur mbi 0 gradë Celsius gjatë dy javëve të fundit në Kiev.
Në ditët para fillimit të pushtimit, qiejt ishin blu dhe qyteti me diell. Disa ditë, të ulur jashtë në diell, xhaketat e dimrit filluan të vjetroheshin. Pranvera dukej se ishte në ajër.
