Tre migrantë u gjetën të vdekur në ujërat pranë qytetit bregdetar të Egjeut të Turqisë, Cesme ndërsa tre të tjerë u shpëtuan dhe kërkimi po vazhdonte për një person tjetër, tha roja e bregdetit turk të Premten.
Ministri i Brendshëm turk Suleyman Soylu akuzoi njësitë e rojes bregdetare greke se kanë rrahur shtatë migrantë dhe duke i lënë në det pa varkë shpëtimi ose gomone pranë ishullit grek të Chios, i cili është më pak se 5 milje (8 km) nga brigjet e Turqisë.
Roja bregdetare greke tha se ishte në dijeni të një operacioni kërkimi dhe shpëtimi në ujërat turke nga autoritetet turke por mohoi çdo përfshirje dhe tha se akuzat turke ishin fyese.
“Ne nuk i trajtojmë migrantët ose njerëzit në rrezik në atë mënyrë”, tha zëdhënësi i rojes bregdetare greke Nikolaos Kokkalas për Reuters. Soylu tha që roja bregdetare Greke “goditi 7 migrantë sonte, mori sendet e tyre, lidhi duart me pranga plastike dhe i hodhi në det pa xhaketa shpëtimi dhe anije”. Soylu tha se ata ishin lënë të vdisnin.
Ai gjithashtu publikoi një video për të cilën ai tha se tregonte operacionin e shpëtimit, me ekipet turke që morën tre persona nga deti dhe trajtimin pasues të të shpëtuarve. Një nga ata, duke e identifikuar veten si Ahmed, tha se shtatë personat ishin larguar nga Cesme tre ditë më parë për në Kios. Ai tha se ata kishin qenë në ishullin grek për dy ditë para se të rriheshin, të kapeshin pasuritë e tyre dhe të liheshin në det.
Turqia ka akuzuar vazhdimisht autoritetet kufitare Greke për shkeljen e të drejtave të njeriut duke abuzuar dhe ngacmuar anije migrantësh në Egje, akuza që Athina i ka mohuar. Qindra mijëra migrantë dhe refugjatë të Lindjes së Mesme përdorën Greqinë si pikën e tyre të hyrjes në Evropë përmes Turqisë në 2015 dhe 2016, derisa një marrëveshje midis Ankarasë dhe Bashkimit Evropian zvogëloi rrjedhën përtej kufijve tokësorë dhe detarë Greqinë dhe Turqisë.
Turqia pret më shumë se tre milion refugjatë dhe migrantë, shumë nga Siria fqinje, ndërsa dhjetëra mijëra janë duke pritur në Greqi për të shqyrtuar kërkesat për azil, kryesisht në kampe ku kushtet janë përshkruar si të tmerrshme.
