Klubi i Superiores shqiptare, Erzeni ka humbur gjyqin me klubin kosovar “2 korriku” për transferimin e futbollistit Shefki Aliti, që e kanë marrë në janar të këtij viti.
Këtë e ka konfirmuar edhe “Panorama Sport”, e cila shkruan se klubi kosovar i është drejtuar FIFA-s për këtë çështje dhe e ka fituar. Mirëpo, klubi i Erzenit e ka dërguar çështjen në Komisionin e Ankimimeve dhe Sanksioneve (KAS) dhe seanca dëgjimore do të zhvillohet më 20 dhjetor.
Mësohet se skuadra e 2 Korrikut ka kërkuar ta zgjidhin çështjen me konsensus në Dhomën e Zgjidhjes së Konflikteve, por drejtuesit e klubit të Erzenit nuk kanë pranuar, pasi kanë pretenduar se kanë vepruar duke iu përmbajtur rregullave.
Kujtojmë se Aliti ka luajtur lvetëm 60 minuta me skuadrën e Erzenit sezonin që shkoi.
