Organizata Botërore e Shëndetësisë (OBSH), pas një studimi të shtrirë në kohë në lidhje me Remdesivirin, u ka bërë thirrje të gjithë institucioneve shëndetësore që të mos ta përdorin më këtë ilaç antiviral, për të trajtuar e pacientëve me Covid-19.
Sipas OBSH-së, Remdesiviri nuk ka ndonjë efekt domethënës në kurimin e pacientëve me koronavirus.
Gjatë mbledhjes së sotme, Grupi i Zhvillimit të Udhëzimeve të OBSH-së (GDG) deklaroi se nuk kishte “asnjë provë të bazuar në të dhënat aktuale në dispozicion që ky ilaç përmirëson gjendjen e pacientit”.
Kujtojmë se vende nga e gjithë bota, e kanë përdorur këtë ilaç anti-viral që prodhohet nga kompania Gilead Sciences.
Si fillim u raportua se ilaçi mund të shkurtonte kohën e shërimit të pacientëve me covid-19, mirëpo me studimet e reja, ky pretendim u hodh poshtë.
Kujtojmë se edhe Presidenti amerikan, Donald Trump, pas infektimit me covid-19, është trajtuar me Remdesivir./Iconstyle.al/
