Dy spitalet Covid në vendin tonë, që nga data 15 shtator, kanë pasur një rënie të shtrimeve të përgjithshme.
Rënia e ndjeshme e rasteve, lidhet edhe me faktin se shumë të infektuar preferojnë të trajtohen në shtëpi.
Kurat edhe nga mjeku i familjes, janë të kushtueshme, dhe shkojnë nga 10-30 mijë lekë të rinj,
Sipas ekspertëve mjekimi në shtëpi ku në shumicën e rasteve përfshin dhe oksigjenoterapinë me aparatura portative ambulatore në shumë raste është i gabuar dhe çon në rëndimin e pacientit që ka nevojë për shërbim të specializuar spitalor.
Edhe familjarët pohojnë se me kura të shtrenjta e kurojnë të sëmurët, por ka rezultuar jo efikase.
“E mbajta disa kohë në shtëpi dhe se çova në spitalin e Korçës që të merrte oksigjenin, dhe u katandis kështu. Më shkoi goxha, 182 euro vetëm oksigjeni. 180 euro ilaçet”, tha një familjare për News 24.
Bashkëshortja e të sëmurit nga Korca tregon se për trajtimin e sëmundjes ka shpenzuar disa qindra euro për ilaçe si dhe qiranë e aparaturës së oksigjenimit në shtëpi.
/GazetaReforma.com/
