Një ngjarje e rëndë ka ndodhur në Shkodër! Alma Arrazi bashkë me 3 fëmijët e saj dyshohet se është vetëmbytur në lumin Buna. Deri më tani, është gjetur vetëm kufoma e vajzës së madhe, 9 vjeç. Ndërsa trupi i saj dhe i dy fëmijëve të tjerë, 8 dhe 3 vjeç, ende nuk është gjetue. Për ngjarjen e rëndë ka disa versione.
Njëri lidhet me një tradhëti që 39-vjeçarja dyshohet se ka zbuluar tek i shoqi, ngjarje që e shtyu të ‘rikthente’ tragjedinë e Medeas. Tjetri skenar “flet” për dhunën në familje, që dyshohet se shtyu të renë që të vriste veten dhe fëmijët e saj. Aktualisht, për ngjarjen tragjike, policia ka arrestuar 31-vjeçarin, Ergys Arrazin, i cili akuzohet për dhunë në familje, si dhe për shkaktim të vetëvrasjes, por ai ka mohuar akuzat e ngritura ndaj tij.
Ergys Arraazi rezulton emër i njohur për policinë, pasi dy vite më parë, së bashku me disa persona të tjerë janë arrestuar për kultivim të lëndëve narkotike. Gjithashtu, vëllai i tij Edisoni u akuzua për për vrasjen e Endri Mustafës me 6 plumba në trup më 17 maj 2021, në zonën e Livadheve të Shkodrës.
