Një ngjarje tragjike dhe fatale ka ndodhur në Itali. Një aksident i rëndë rrugor i ka marrë jetën një gruaje me origjinë shqiptare që kishte vite që jetonte në shtetin fqinj.
Sipas mediave italiane bëhet fjalë për 55-vjeçaren Edlira Aliçka, makina e të cilës u përplas me një tjetër mjet. Ngjarja e rëndë është regjistruar pasditen e djeshme në Sernaglia Battaglia, në Treviso të Italisë.
Bëhet e ditur se në aksident janë përfshirë dy makina, një Mercedez i zi A-Class, që drejtohej nga shqiptarja Edlira Aliçka dhe një Audi A6, të cilat janë përplasur me njëra-tjetrën dhe kanë përfunduar në fushën poshtë rrugës. Të dyja makinat udhëtonin nga Sernaglia në drejtim të Coneglianos.
Pasi u furnizua me karburant, mjeti i shqiptares në rrethana ende të paqarta është përplasur nga Audi A6. 55-vjeçarja me origjinë shqiptare humbi tragjikisht jetën. Trupi i saj i pajetë mbeti i bllokuar në kabinë dhe u ndesh ndërhyrja e shërbimet e zjarrfikëses që bënë të mundur nxjerrjen e trupit të gruas, pas rreth dy orësh.
Sa u përket dy të moshuarve, që ndodheshin në makinën tjetër ata kanë mbetur të plagosur lehtë dhe janë dërguar në spitalin Conegliano. Gjendja e tyre paraqitet e stabilizuar, ndërsa ende nuk dihen shkaqet e aksidentit të rëndë.
