Të paktën 227 persona janë vrarë si pasojë e tërmetit me magnitudë 7.2 goditi Haitin jugperëndimor. Lajmin e njoftoi agjencia e mbrojtjes civile e vendit, disa orë pasi tërmeti i ktheu ndërtesat në rrënoja dhe bëri që banorët e tmerruar të iknin nga shtëpitë e tyre në kërkim të sigurisë.
Në një tweet të shtunën pasdite, agjencia tha gjithashtu se “qindra” njerëz u plagosën ose konsideroheshin të zhdukur.
Tërmeti goditi mëngjesin e së shtunës 12 km në verilindje të Saint-Louis du Sud, në Gadishullin Tiburon jugor të Haitit, në një thellësi të cekët prej 10 km, raportoi Shërbimi Gjeologjik i Shteteve të Bashkuara.
“Ndërhyrjet e para, të kryera si nga shpëtuesit profesionistë ashtu edhe nga anëtarët e popullsisë, bënë të mundur nxjerrjen e disa njerëzve nga rrënojat. Spitalet vazhdojnë të presin të plagosurit”, shtoi agjencia e mbrojtjes civile.
Kryeministri i ri i Haitit, Ariel Henry, ka shpallur gjendjen e jashtëzakonshme një mujore pas asaj që ai e përshkroi në Tëitter si një “tërmet i dhunshëm” që shkaktoi humbje të jetës dhe dëme të mëdha në pjesë të ndryshme të vendit.
Ai tha se do të mobilizonte të gjitha burimet në dispozicion të qeverisë për të ndihmuar të prekurit nga dhe u bëri thirrje haitianëve të bashkohen për t’u përballur me situatën dramatike.
