Një tragjedi është regjistruar në ujërat e bregdetit italian, ku një anije me emigrantë është mbytur dhe për pasojë mbi 40 persona kanë humbur jetën, ndërsa ende nuk ka një numër të saktë të njerëzve që ishin në bord kanë raportuar agjencitë italiane të lajmeve të dielën. Emigrantët vinin nga vendet e Lindjes së Mesme.
Sipas disa të mbijetuarve ishin rreth 180 pasagjerë, ndërsa të tjerë deklarojnë se ishin më shumë se 250.
Aktualisht 80 njerëz të gjallë janë gjetur dhe 45 trupa janë zbuluar përgjatë bregut të Steccato di Cutro, ndërsa mes viktimave ka shumë fëmijë dhe shumë gra, mes tyre dhe një foshnjë.
Operacionet e kërkimit vazhdojnë, ndërkohë që po vijojnë hetimet nga karabinierët e Crotone për një person që dyshohet se ishte një nga kontrabandistët e varkës së mbytur.
Varka, e cila ka qenë me migantë nga Irani, Pakistani dhe Afganistani, besohet se është përplasur në shkëmbinj detarë gjatë motit të lig raporton rel.
Kryeministrja italiane, Giorgia Meloni, ka shprehur “pikëllim të thellë” për përmbytjen e varkës, dhe është zotuar se do t’i japë fund migrimit të parregullt detar, si mënyrë për të parandaluar më shumë tragjedi.
Shumë persona nga Lindja e Mesme për ti shpëruar luftrave dhe varfërisë vijnë me varka në mënyrë të jashtligjme për një jetë më të mirë në europë.
