Ditën e sotme autoritetet belge kanë zbarkuar në Tiranë, për të vijuar me hetimet në lidhje me makinën ku u zbuluan 3.4 milionë euro në portin e Durrësit.
Edhe gazeta belge ““DH” (Ora e Fundit), ka shkruar për këtë çështje që bëri jo pak bujë në Shqipëri.
Artikulli kushtuar Shqipërisë mban titullin “Prokuroria Federale trondit politikën shqiptare”. Një vit më parë, autoritetet shqiptare zbuluan në një makinë “Toyota Yaris” në portin e Durrësit disa miliona euro.
Ditën e djeshme një gjykatës belg shpalli në kërkim dy vëllezër.
Ata janë Alfred dhe Elvis Vladi, të moshës 33 dhe 39 vjeç. Media belge shkruan se personat në kërkim janë me kombësi shqiptare dhe përbëjnë rrezikshmëri të lartë.
Në lajmet e fundit thuhet se janë pesë persona, për të cilët është lëshuar urdhër-arresti: katër në Shqipëri dhe një në Belgjikë.
Autoritetet belge kanë ardhur edhe të takohen me liderin e PD, Lulzim Bashën, pasi ai ka përmendur emrin e deputetit socialist Taulant Balla, si të implikuar në ngjarje.
Basha u shpreh se anëtarët e Partisë Socialiste janë të përfshirë në trafikimin e milionave të organizuara nga Belgjika.
