Deputetja Rudina Hajdari në një komunikim me mediat është shprehur se po merr pjesë në mbledhjen e Opozitës Parlamentare me kryeministrin Edi Rama, pasi ky i fundit duhet të mbajë fjalë që dha sipas Hajdarit, për ndryshim sistemi.
Ajo tha se opozita parlamentare e ka mbyllur detyrën e saj dhe tani “topi” është në dorën e Edi Ramës për të thënë nëse do ta bëjë ndryshimin e sistemit apo jo.
Më tej, ajo theksoi se tani është mundësia që PS të mbajë premtimin duke ndryshuar sistemin zgjedhor.
‘’Ia dhamë këtë mundësi Bashës për të ardhur dhe për tu rifutur në sistem. Kjo është e vetmja rrugë për të votuar jo vetëm për sigla partie por edhe kandidatë për të shkuar në parlament. Tani topi është në dorën e Edi Ramës. Nuk mund të votojmë një reformë zgjedhor me vota të blera. Ky është shansi për PS. Jemi për të zbuluar nëse Rama e ka seriozisht apo jo. Ka premtuar që do e shikojë çështjen e sistemit pas marrëveshjes. Ta mbajë premtimin. Ndërkohë po shantazhohen deputetët që të votojnë Reformën Zgjedhore.‘’- tha Hajdari.
Takimi po zhvillohet me kërkesë së opozitës parlamentare për të diskutuar dhe për t’i bërë të qartë Edi Ramës kushtet e saj për votimin e Reformës Zgjedhore.
Ata janë shprehur se nuk do të votojnë reformën në Kuvend, nëse nuk merren parasysh kushtet e tyre për lista të hapura dhe votën e emigrantëve.
