Edhe PD ka vjedhur vota në vitin 2017, deklaron ish-nënkryetarja e Partisë Demokratike, Jozefina Topalli e ftuar në emisionin ‘Real Story’ në ‘Neës24’. Duke folur për një marrëveshjen mes kryeministrit Rama dhe kreut të opozitës, Lulzim Basha para zgjedhjeve, Topalli zbulon një prapaskenë të paktit.
“Në 2017 votat janë vjedhur, s’ka dyshim. Po ato 3 forca politike ishin në qeveri (PD, PS, LSI). Në KQZ kanë shkuar përfaqësues të këtyre partive, që mos të kishin asnjë kundërshti me njëri-tjetrin. Të dy kryetarët e partive, kanë urdhëruar që të binin dakord me njëri-tjetrin, që mos të denoncohej asnjë parregullsi në zgjedhje. Kjo ishte me marrëveshjen e 2017. Pas zgjedhjeve në fakt rezultati u votua në KQZ me urdhër të kryetarit. Nuk është lejuar asnjë ankese për zgjedhje, apo manipulimin. S’ka qëndruar në procesverbal asnjë vërejtje. Pasi kanë ndodhur të gjitha këto, opozita është kujtuar se i kanë vjedhur zgjedhjet dhe nisën betejën se “Me Edi Ramën s’ka zgjedhje”. Opozita jo vetëm që e pranoi që të hynte në zgjedhje me Edi Ramën, por pranoi që si kryetar i komisionit të ishte një person i akuzua për manipulim me votat, Gjiknuri. Kjo se bën të besueshme, serioze situatën. Unë s’dua ta shoh demokratët të zhgënjyer dhe të pashpresë. Votat e PD u përgjysmuan. Mua më dhemb që të shoh spektrin politik pa një të djathtë. Të shoh që ka humbur betejat e saj”, deklaroi Topalli.
Ish-kryetarja e Kuvendit ka themeluar një parti të re “Lëvizja për ndryshim” dhe do të marrë pjesë në zgjedhjet e ardhshme.
/GazetaReforma.com/
