Zv.ministrja e Shëndetësisë, Eugena Tomini ka folur në lidhje me procesin e vaksinimit në Shqipëri. Tomini thotë se vaksina e preferuar gjatë muajit të hapur të vaksinimit ka qenë Pfizeri dhe Coronavac (kinezja).
Po ashtu Tomini ka lajmëruar se Komiteti Teknik i Ekspertëve po diskuton që të aplikojë një dozë të tretë vaksine tek personat të cilët janë mbi 65-vjeç. Gjithashtu Tomini ka sqaruar se tendenca për t’u vaksinuar me vaksinën Pfizzer ishte më shumë për shkak të lëvizjes dhe udhëtimeve. Më shumë për lëvizje turistike apo edhe për studime jashtë vendit.
“Ka doza vaksine dhe po nxitet vaksinimi për ta aplikuar. Arritja e një mbulese vaksinale sigurimi i një stoku që deri në fund të dhejtorit kemi një kontratë të re sa i përket Pfizerit që ndoshta është vaksina më e preferuar. Edhe vaksina kinezen ka qenë e preferuar. U pa tendenca e Pfizer për shkak të lëvizjes. Pfizeri ishte më shumë për lëvizje turistike apo për studime. Komiteti Teknik ka hedhur mendime dhe diskuton përkundrejt alternativave të një doze të tretë mbi moshat 65 vjeç”, tha Tomini.
Kujtojmë se muaji shtator ishte muaji i hapur i vaksinimit dhe të gjithë qytetarët të cilët janë mbi 18-vjeç mund të merrnin dozën e vaksinës fare lehtë, duke u paraqitur vetëm me kartën e identiteti.
