Përplasje tjetër më bilanc të tmerrshëm ka ndodhur në Sri Lanka ku policia është përplasur me terrorist të dyshuar.
Deri më tani kanë mbetur të vdekur 15 persona, ndër ta gra dhe fëmijë, ndërkohë që 2 prej terroristëve dyshohen që të jenë arratisur.
Nga 15 personat e deklaruar të vdekur gjatë kësaj përplasje me armë gjashtë janë të dyshuar si terroristë dhe nëntë janë civilë, duke përfshirë gjashtë fëmijë.
Shkëmbimi i zjarrit u bë në një banesë e cila dyshohej si bazë e terroristëve dhe pas largimit të tyre, nga kontrolli u gjetën uniforma dhe flamuj të ISIS.
“Kishte tre shpërthime gjatë shkëmbimit të zjarrit me të dyshuarit në një shtëpi në qytetin Sainthamaruthu, Kalmunai”, tha policia lokale.
Kontrollet në banesa ndodhën pas vrasjes së 253 personave gjatë kremtimit të Pashkëve të dielën e kaluar.
