Duket se ditëve të vështira që po kalon Italia pas goditjes nga koronavirusi, tashmë do i shtohet një tjetër shqetësim.
Mëngjesin e sotëm, vullkani i vetëm aktiv në Itali, ai Etna duket se është ‘zgjuar’ duke lëshuar llavë dhe duke shkaktuar lëkundje të tokës raporton Corriera dela Sera.
Zona përreth vullkanit është e gjitha e shkretuar kështu që nuk përbën asnjë rrezik për njerëzit, edhe pse krateri i tij Voragine, ka filluar ‘zgjimin’ që nga shtatori i vitit të shkuar.
Etna, (njohur dhe si Muncibeddhu ), është vullkan aktiv në Itali i cili ndodhet në bregdetin lindorë të Sicilisë, në afërsi të Mesinës dhe Katanijës dhe po ashtu është vullkani më i lartë në Europë, i cili ngrihet në 3.320 metra lartësi mbidetare.
Etna është edhe maja më e lartë në Itali në jug të Alpeve dhe përfshinë sipërfaqe prej 1.190 km2.
Etna fle dhe zgjohet herë pas here, teksa shpërthimi i fundit i madh është regjistruar në 1992.
Italia ka një varg vullkanesh aktivë dhe të fjetur, me më të famshmin, malin Vezuv, që ndodhet afër Napolit dhe që shpërtheu në shekullin e 79 pas Krishtit duke i marrë jetën mijëra vetëve në qytetet e afërta Pompei dhe Herculaneum.
