Ministrja i Infrastrukturës dhe Energjisë, Belinda Balluku ka inspektuar këtë të martë nisjen e punimeve për sistemimin dhe asfaltimin e segmentit rrugor, Maqellarë-Peshkopi, pjesë e Rrugës së Arbrit. Siaps Ballukut ky segment jo vetëm do të shkurtojë distancën me Tiranën, por ka rëndësi për sigurinë me të cilën është ndërtuar.
“Ky është kantieri Maqellarë – Peshkopi dhe sot po lexoja që ecuria e punimeve është 5.4% pasi sapo ka filluar, megjithatë Rrahim unë mendoj se me këtë ritëm që shoh do ta kemi shume shpejt veprën.
Një vepër e rëndësishme, vazhdim i rrugës së Arbrit, një vepër që pritet nga të gjithë dibranët, por edhe nga të gjithë vizitorët, të cilët kanë qenë të shumtë këtë vit dhe që unë do të thoja do të jetë jo vetëm një rrugë me kushte të përmirësuara që është një kategori C2 e përmirësuar, por nga ana tjetër do të kemi edhe një shkurtim të kilometrave. Pra nga 11 kilometra që sot lidhet Maqellara me Peshkopinë, ne do të shkojmë diku tek 9 apo ca më pak 8.54 për 2.4 kilometra më pak dhe që është trase komplet e re.
Përveç se shkurton 2.4 kilometra ajo eleminon edhe një rrugë me shumë kthesa dhe të vështirë në periudhën e dimrit. Projekti në total është 8.54 km në total, 2.4 kilometra me i shkurtër se rruga ekzistuese, përveç se lë mënjan problemet e rrugës ekzistuese, cilësia do të jetë e përmirësuar, ajo C2, por e përmirësuar. Ajo çka ne synojmë është të kemi një shpejtësi në zonat e pabanuara rreth 60 km/h dhe në zonat e banuara 30 km/h”, tha Balluku.
