Një grua ka kërcënuar të hidhet nga kati i tetë i një pallati në zonën e “Pazarit të Ri” në Tiranë.
Mësohet se shkak për këtë është bërë një vendim i Përmbarimit që e detyron të largohet nga banesa.
Djali i saj, Tajar Trroka ka sqaruar se ata janë në një proces gjyqësor me bankën, por ndërkohë më 28 janar janë njohur nga përmbarimi me vendimin se duhet të lirojnë banesën.
“Banesën nuk e kishim lënë për kolateral, por banka e shiti pa ankand, pa na njoftuar. Kemi punuar një jetë të tërë për këtë banesë”- tha djali për mediat.
